Блокадаялъул чед

2020 соналъул 27 январалда бана 76 сон советиял аскараз Ленинград шагьар тIубанго немцаздаса эркен гьабуралдаса.

76 соналъ цебе лъугIана Ленинград шагьаралъул 900 къойил блокада. Гьеб къо ккола рохалилабгун пашманаб. Рохалилаб, щай гурелъул, нилъер хIинкъи гьечIел аскараз Ленинград шагьар эркен гьабун, гьелдалъун халкъалда бичIчIана Бергьенлъи рикIкIад гьечIеблъи. Пашманабан абуни, гьеб блокада халат бахъана 900 къоялъ ва сордоялъ 1941 соналдалъул 8 сентябралъ байбихьун, 97% ракълилаб халкъалъул хвана гьеб заманалъ ракъунниги, квачанниги, вахIшиял немцаз чIванниги.

Нилъеда абадиялъ рекIелъ хутIила гьеб халкъалъул бахIарчилъи. ГIелалъ гIелалъухъе кьун теларо нилъеда гьел кIочон.

Гьеб рохалилабгун пашманаб къо ракIалде щвезе гьабуна ХахитIа росдал КДЦ ялъгун гьоркьохъеб школалъги. «Блокадаялъул чед» абураб акция гIуцIун букIана ва тIобитIана районалъул гIлилазул отделалъул нухмалъулев Заур ХIажиевас.