Гъоркьа-ЧIугли росулъе сапар

Гъоркьа-ЧIугли росулъе сапар

Марталъул 28абилеб къоялъ Лаваша районалъул нухмалъулез сапар бухьана Гъоркьа-ЧIугIли росулъе. «Лаваша район» муниципалияб районалъул бетIер Шамиль Дабишевасда цадахъ гIахьаллъана районалъул бетIерасул заместитель Идрис МухIамадов, районалъул депутатазул Собраниялъул нухмалъулев Юсуп ГIалибеков, УСЗНалъул нухмалъулей ГIабидат МухIамадова ва гьединго районалъул цогидал идарабазул нухмалъулел.

Данделъи рагьана Администрациялъул информациялъул отделалъул бетIерав специалист Идрис ХIажимухIамадовас. Гьес кьуна росдал справка. Хадуб рагIи кьуна росдал бетIер Гъази МухIамадовасухъе, гьес бицана, жив росдал бетIерлъун вищаралдаса, гьарурал хIалтIабазул ва гьаризе хIисабалде росун ругезул.

Гъоркьа-ЧIугIли росдал жамагIаталъул аслияллъун рукIана суалал: спортзал цIигьабун къачIай, росда жанир нухал къачIай, лъимал школалде раччизе транспорт чIезаби, культураялъул рукъалъе къваригIараб къайи чIезаби, бищунго кIвар бугеб суал букIана — росулъ лъим гьечIолъи.

Районалъул нухмалъиялъ гьел суалал хIисабалде росана ва кIвараб хIаракат бахъизе ва кумек гьабизе буго гьел тIуразаризе.