Меню
16+

Сетевое издание «По новому пути»

13.03.2020 18:31 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 10 от 13.03.2020 г.

Районна педагогунани шабагъатуни касиб

Районна Халал Шамиль Дабишевли районна цехIнабси багьудила школабала педагогунас Дагъистан Республикала багьудила ва гIилмула Министерствола шабагъатуни дедиб.

Районна педагогунани шабагъатуни касиб

Районна Халал Шамиль Дабишевли районна цехIнабси багьудила школабала педагогунас Дагъистан Республикала багьудила ва гIилмула Министерствола шабагъатуни дедиб.

Ил анIбукьлизиб бутIакьяндеш дариб: Халлала цаибил заместитель ГIябдусалам Дибировли, багьудила отделла начальник ХIямид МяхIяммадовли, багьудила хIянчизартала профсоюзла райкомла председатель Раисат Васкаевани.

ГIяхIси бузери ва багьуди кайсахънила шайчирти сархибдешуни багьандан «Россияла Федерацияла бяркъ бедлугнила ва багьуди кайсахънила шайчивси ХIурматла хIянчизар» бикIуси михъирличи биршуси лишанничил шабагъатлабариб: Раисат ГIябдулкьадырова – Наскентла СОШ, Патимат ГIялиева – Лавашала СОШ №2, Написат Бадишева – ЭбдаллагIяяла СОШ, Хадижат ХIяжиева – Кутишала СОШ, Умужат МяхIяммадова – Уллуаяла СОШ, Заур Пахрудинов – Урмала СОШ; хIурматла грамоталичил шабагъатларариб УллугIяяла СОШ-лизир рузуси, «2020-ибил дусла Дагъиста учитель» конкурслизир чедирикибси Кумсият Кьадиева.

Районна Халлали буриб, учительли сунела багьудлуми, цIакь, арадеш дурхIнази багьуди кайсахънила, бяркъличи биркахънила хIянчилис, илдази гIямрула бархьси гьуни чебикIахънилис, гIямрулизиб чучи лайикьси мер буцахъес харждирули сари, или. Лебтасалра челябкьуси наслу бяркъличи биркахънила шайчир сархибдешуни диубли дигниличилара.

Раисат Васкаеванира педагогунас хIянчилис чули-саби бедни, дурхIначи дигичебдеш багьандан баркаллала гъай дуриб.

Учительтанира чус барибси хIурмат багьандан баркала багьахъур.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2