Халаси хIянчи бариб
ЧебяхIлябхъула шилизиб 13 ибил апрелльчиб халаси билхъа бетерхур. Школала бучIантани кьакьурби умудариб, къаркъуби далцIун, дахъал галгуби удатур.
Халаси хIянчи бариб
ЧебяхIлябхъула шилизиб 13 ибил апрелльчиб халаси билхъа бетерхур. Школала бучIантани кьакьурби умудариб, къаркъуби далцIун, дахъал галгуби удатур.
Нушала шан Ниматулаев Нариман тахшагьарлизив узули гIяхIцадхIи виубли сай. ЧебяхIлябхъула школа белчIи гIергъи МяхIячкъалала сельскохозяйственнный институт гIяхIти кьиматуначил ва халаси баргьудиличил таманбарили гIергъи илизи тиладибариб шагьарлизив калахъес. Наримай чумра гIяхIти хIянчурбазив узули халаси баркалла сархиб. Гьанна нушабра илис баркалла багьахъес дигулра. СенахIенну Наримай билхъала бархIилис дахъал галгуби хиб. 60-сера галга школала мякьла удатур 30 галга хIябрала лацла гьала. Билхъалачи дурабухъунти халкьличил варх бархIи ахъайчи сайра галгуби удалтули узиб.
Билхъала бархIи гIяхIси хIянчи бариб культуралабра ва библиотекала хIянчизартани. Илдани елкаби удатур ва шинни делкъахъун.
ГIяхIси хIянчи бариб администрацияла хIянчизартани. Илданира администрацияла юртла алав елкаби ва цархIилти галгуби удатур. Шанти автобусличи хIерли кабируси мерла ожидалка кабатур. Ил гIяхIси анцIукьличи шанти разибикиб. Гьундури къулайдарес тракторличил Исрапилов Магомедсаламлира хIянчи бариб, гьаннацун ахIену ил сунела техникаличил билхъаличи дураухъунси, гIягIнидеш биубхIели мурталра кумекбируси сай.
ГIурла билхъаличибра депутатуни, адамти дурабухъи гIягIниси хIянчи барили дигахъаси.
Хадижат Сулейманова
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
