Мубараквирулри, МяхIяммад!
Бухарест шагьарлизиб бетаурси грепплингла (вирхIнила ца жура саби) Европала чемпионатличиб Россияла цалабяхъибси командали 21 медаль сархиб.
Спорт
Мубараквирулри, МяхIяммад!
Бухарест шагьарлизиб бетаурси грепплингла (вирхIнила ца жура саби) Европала чемпионатличиб Россияла цалабяхъибси командали 21 медаль сархиб.
Илдазирад 12 мургьила сари.
Мургьила медальти сархиб: дагъистанланти Хасан Темеевли, Гаирбек Ибрагьимовли, Рашид Кайтмазовли, МяхIяммадрасул Зубаировли, ГIиса Умаровли ва МяхIяммад Жарбаевли.
Урегал спортсмен цIубарцла медальтачи лайикьбикиб, хIябли жярмала медальти сархиб.
Россияла цалабяхъибси команда ил журализиб гьанна 16-йна Европала чемпион бетаурли саби.
Чемпион ветаурси МяхIяммад Жарбаев Лавашала шилизивад сай. Ил нушани Европала чемпион ветаъниличил мубараквирулра ва дунъяла бегIлара цIакьли бирхIянтала лугIилизи керхурли дигахъехIери.
МяхIяммад азадли мушулбашнила шайчив спортла мастер сай. Ил шайчирти устадеш вирхIнила цархIилти журабазирра манпагIятдирули сари. Илини дурхIни мушулбашнила секциялизи башахъес жибирули, илизибад спортла гIямрулизиб халаси манпагIятдеш алкIниличила бурули сай.
Нушачилси ихтилатлизив МяхIяммад викIи:
- Ну мушулвашахъес бурсиварибти тренертас, хаслира спортшколала деректорли узуси ХIусен ГIябдусаламовлис халаси баркалла. ХIусен жагьхIейчивадал спорт дигуси, гIягIниси мерличиб кумек гIеббурцуси ва районлизиб спорт гьалабяхI арбукнилизи пай кабирхьуси адам сай. Баркалла биаб ну гIевурцуси хъалибарглис, узбас, рузбас. Ну абзаначив сайхIели илди сецад кьакьабикIутил балухIелира цIакьани кIиркадиубтин билзан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
