ЧебяхI-Лябхъуб фестиваль

ЧебяхI-Лябхъуб фестиваль

ЧебяхI-Лябхъула культурала юртлизиб октябрьла 31-личиб «Сирила далай» бикIуси районна фестиваль бетерхур. Ил дураберкIахъес кумеклибиуб районна культурала отдел, ЧебяхI-Лябхъула шила бекI Сулейманова Хадижат ва ишабси культурала юртла хIянчизарти.

Фестиваль барибсири нушала жагьилтази халабегIтала гIядатуни хъумхIертахъес. Нушала халабегIтани урши усахъес секьяйда каркьусирил, секьяйда лайла бучIусирил чебаахъес.

Фестивальлизир бутIак-ьяндеш дариб районна 15 шила культурала юртанала хIянчизартани ва иша вакIибси районна культуралис бекIдеш дируси Халид МутIалимовли. Фестиваль таманбиубхIели илини иша бутIакьяндеш дарибти культурала хIянчизартас баркалла багьахъур, грамотабачил шабагъатлабариб.

Р. ГIябдулабекова