Меню
16+

Сетевое издание «По новому пути»

24.07.2020 18:29 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 28 от 24.07.2020 г.

Сагаси гьуни - адамтас разидеш

ГIергъити чумал бархIилизир ХахитIала шила бегIбайлабси гьунчир гIянжи, гъягъя, асфальт дихули дашути камазунала ва мазанала тIамри къайдиркули ахIен. Ишар лер къирли буцибси гьунч гъяжбирути катокуни, автогрейдерти ва цархIил техника. Дахъал тIама-гьама, хяса лерли диалра, адамтас хIейгули ахIен, иличи ургIебли гьуни сагабирнила хIянчи детурхни илдас разидеш саби.

Сагаси гьуни — адамтас разидеш

ГIергъити чумал бархIилизир ХахитIала шила бегIбайлабси гьунчир гIянжи, гъягъя, асфальт дихули дашути камазунала ва мазанала тIамри къайдиркули ахIен. Ишар лер къирли буцибси гьунч гъяжбирути катокуни, автогрейдерти ва цархIил техника. Дахъал тIама-гьама, хяса лерли диалра, адамтас хIейгули ахIен, иличи ургIебли гьуни сагабирнила хIянчи детурхни илдас разидеш саби.

Лаваша — Арада-ЧIугIли гьунчир асфальт кабирхьнила хIянчи 2017-ибил дуслизир дехIдихьибтири. «Магуш» бикIуси ООО-ла бекI инженер Халил ХIяжиевли бурили кьяйда, ишарти хIянчи 2020-ибил дусла декабрьла ахирличир хъараахъес пикрибарибси саби. Сагали бируси гьунчир дирути хIянчи къияндулхъахъули сари ишар дахъал кьячIикIлуми, лугри ва кетхIулти лернили.

БусягIятла замана къирли бурцуси мерли бетаурли саби Лаваша-ХахитIа гьуни. ХахитIала шилизир кьакьурби далдирнила хIянчи хIеблизирал дехIдихьиб. Гьанна биалли асфальт кабихьили, ил диркьбирули бузули саби. Ишаб 8 километрла гьуни асфальтли буцес пикрибарибси саби, гьанналис биалли 5 километр буцили саби. Гьунчир дарес гIягIнити хIянчи даимдиубли сари. ХахитIала ва УбяхI-ЧIугIлила шимала ургабси гьуни къулайси агиличи буршнила шайчирти хIянчи детурхули сари. Гьундури далдирантани кьячIикIлуми, лугри урасиб, гьунчир лишанти ва гьалабизуни тIашдатур.

Ишар детурхути лерил хIянчилизир 20-личибра имцIаси техника бузули саби. Хасси гIягIниахъа кумекличил, качестволичи хIеруди бузахъути специалистунани кабирхьуси асфальт сегъуна качествола сабил, илала температура белгидирули саби.

Гьундури къулайдирнилизиб бузути хIянчизартала къайгъначибли камси заманала гIергъи республикализиб асфальтли буцибси ца гьатIи гьуни дакIубирар. Ишарти лерил хIянчи «Дагестанавтодор» ГКУ-ла гьундурала фондла харжанас детурхути сари.

Дахъал дусмазиб чумал шила адамтас къиянти гьундурикад башес чевкъусири. Гьанна детурхути хIянчи хъараурхIели илди камси заманала бухIнаб районна центрлизи сабиур.

ХахитIала шилизиб адамти бахъал саби, биштIатира камли ахIен. Ил багьандан гьуни сагабирнила анцIбукь лебтасалра разидеш саби. Илгъуна лугIяна гьунчибад велосипедуначиб, роликуначиб кабулхъес гьай-гьайра дигахъу. Халатала бекIлизира ишгъуна пикри бакIили саби: гIяхIси, сагаси гьуникад хъярхъли машинти дикестира къаршибикесгу, ибси. Ил секIал бетрахIеэсгу.

Гьуни бирутас баркалла, ил машинтачиб башутас кьяйдали, хьурали башутасра разидеш саби.

Мадина Сайгидова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

16