Меню
16+

Сетевое издание «По новому пути»

19.06.2020 19:12 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 23 от 19.06.2020 г.

ГIумруялъе хIинкъигун къеркьолел руго тохтурзаби

Инсанасул сахлъи цIуниялъул фронталда тушманаб коронавирусалъулгун цебесеб кьерда рагъ балеб буго жакъаги тохтурас.

ГIумруялъе хIинкъигун къеркьолел руго тохтурзаби

Инсанасул сахлъи цIуниялъул фронталда тушманаб коронавирусалъулгун цебесеб кьерда рагъ балеб буго жакъаги тохтурас.

Тохтурасул махщел ккола бахIарчилъиян абулаан машгьурав хъвадарухъан ва тохтур Антон Чеховас.

«Тохтурасул махщелалъе кидаго хIажатаб буго пикрабазулги рекIелги бацIцIалъи. Тохтур вукIине ккола гIакъилавлъун, рухIияб рахъалъ вацIцIадавлъун ва къамартIавлъун», — илан абуна гьес.

Коронавирусалъул пандемиялъул квачIикье ккана Лаваша районалъул росабиги. Гьелъ кьучIдасанго хисизабуна халкъалъул гIумру. Хасго захIмалъана районалъул централияб больницаялъул тохтурзабазул хIалтIи. Макьуги, хIалхьиги, хъизам-рукъги кIоченабуна гьезда, росдал больницаялде рачIунел унтарал гIемерлъиялъ. ТIаса бищараб пишаялъе ритIухълъиги цIунун, намус бацIцIадго хIалтIулел руго гьенир жакъа къоялъул бахIарзал: ИсахIажиев МухIамадхIаджи Ассадуллаевич, МухIамадов МухIамад ГIабдулвагьабович, Даудова ПатIимат Камалудиновна, ГIисаева ПатIимат ГIисаламухIамадовна, МухIамадова ПатIимат Шамиловна, ГъазибахIандов Арсен ШохахIмадович, Чунчиев Ислам Джамалудинович, МухIамадов Мурад СулейманхIажиевич, Нурадинов АхIмад Сулейманович, ГIумарова Зульфия МухIамадовна, Мусаев МухIамад Абдуллаевич, ГIалигишиева Хадижат Маккашариповна, ГIабдулахова Раисат ХIасбулаевна, МухIамадова Марьям МухIамадкамиловна, Таймасханова Загьидат ХIайбулаевна, БахIандова Марзият Амирчупановна, Муталимова ПатIимат ГIисахIажиевна, Муртазалиев МухIамад МуртазгIалиевич, Даудова Айшат Давудовна, МухIамадов Руслан ГIабдусаламович, МухIамадов МухIамад Раджабалиевич, ХIапизов Зураб Удадаевич, ГIисаева Аминат Джамалудиновна, ГIалиева Асият АхIмадовна ва цогидалги.

Руго гьезда гьоркьор гIемерсонилаб хIалбихьи бугелги гIолохъаналги. Ригьалъухъ ва хIалтIул соназухъ балагьичIого, ракIунтун тIубазабула гьез жидеда тIадаб иш. Гьел тохтурзабазе кьезе бокьун буго ракI-ракIалъулаб баркала. ТIураги нужер мурадал, кьеги сахлъи.

Гьел хIалтIана ва хIалтIулел руго сваканин, чIалгIанин, рокъор ругел масъалабиги тIуразаризе кколин абун зигардичIого. БатIайиса букIине ресги гьечIо. Гьезул махщалида, бажариялда ва заманалда кумек гьабизе рортиялда бараб буго ракьцоязул, росуцоязул, районцоязул гIумру.

У, бигьаго гьечIо. ЗахIмалъаби гIемер руго. Буго тохтурзабазулги гIумруялъе хIинкъи. Рагъдаго гIадин, больницаялдаги жакъа хIажат буго къвакIи, къохIехьей, кьварараб низам цIуни. Ва гьеб кинабго загьирлъулеб буго COVID-19 абураб балагьгун къеркьолел тохтурзабазулъ.

ЗахIматаб заманалда больницаялъе нухмалъи гьабулеб буго гIолохъанай тохтур, ПатIимат ГIабдулрашидовавалъ. Гьелъухъа бажарана хIалтIи мухIканаб тартибалда гIуцIизе ва больницаялъе хIажатал алаталгун дараби чIезаризе.

Гьабун букIана районцоязде хитIабги – рокъоса къватIире рахъунгеян, больницаялъе кумек гьабеян. Ругелщинал ресаздаса пайдаги босун, ПатIиматихъа бажарана унтаразул къадар дагьлъиялъе шартIал гIуцIизе. ЛъикIал шартIал гIуцIана гьелъ больницаялъул хIалтIухъабазул сахлъи цIуниялъеги.

Тохтурзабаздаса хIалуцин бахъиялъулги нилъерго сахлъигун гIумру цIуниялъулги мурадалда тадбирал гьаризе ккола щивав чияс.

Щибниги захIматаб жо тIалаб гьабулеб букIинчIо нилъедасан – гIицIго рокъор рукIин гурони. Рокъоб рацIцIалъи чIезабиги, къватIиса рокъоре щведал, кверал чуриги. Цадахъ лъугьун дандечIун гурони, дунялалдаго тIибитIараб унти тIагIинабизе бажаруларо. ГьабсагIатги нилъеда щивасда тIадаб буго жиндирго ва аскор ругезул сахлъи цIуниялъе цIодорлъи гьабизе.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2