Меню
16+

Сетевое издание «По новому пути»

28.02.2020 17:19 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 07 от 21.02.2020 г.

Нушала мубарак

ЦIухтала шилизивадси Къаратов МяхIяммад Лавашала районнизивцунра ахIи, республикала цархIилти районтазивра машгьурси сай. Илгъуна машгьурдеш МяхIяммадли сархиб сунезиб творчестволашалси пагьму лебхIели. Илала назмуртала кIел жуз дурадухъун, гIурра чумал жузлис даари назмурти хIядурдарили сай.

Нушала мубарак

МяхIяммад Къаратовлис — 70 дус

ЦIухтала шилизивадси Къаратов МяхIяммад Лавашала районнизивцунра ахIи, республикала цархIилти районтазивра машгьурси сай. Илгъуна машгьурдеш МяхIяммадли сархиб сунезиб творчестволашалси пагьму лебхIели. Илала назмуртала кIел жуз дурадухъун, гIурра чумал жузлис даари назмурти хIядурдарили сай.

МяхIяммадла творчествола гьуни нушала районна «Колхозла хIеб» газетализиб бехIбихьибсири. ЦIухтала школализив учIухIелил илини шилизибси нукьсандешличила газетализи белкIунси макьалализибад гIяхIдеш бетаурхIели, гIурра лукIес даимвиуб. Илкьяйдали газеталичилти гьалмагъдеш дехIдихьили, хIябал дусра-сера штатлизивси хIянчизарли узули уиб. МяхIяммадлис имцIаливан нушала ургар къаршидиркути нукьсандешуначила лукIес дигахъи, илди агардарайчи сага-сагали ил темаличи шурулхъи.

Къаратов дахъал дусмазив Ставропольла ва Калмыкияла мер-мусаличив маза адилкьанни узули калун. Илавра газетабала редакциябачил бархбас бузахъи, илабти хIянчизартала гьарли-марси юлдаш ветаур. БукIундеш датурли гIергъи республикала «Замана» газетала Ахъушала районнизивси собкорли узули калун. Районна гIямрулизирти гIяхIти шалуби чедиахъниличил къяйли, чекайзурли далагардешуни гьаргдирнилизивра узни багьандан бахъал адамтани валусили ветаур.

ХIулбала шала нукьсанбикили хIянчилавад арякьунхIелира лукIнила хIянчи бархьхIебатур. Илала дахъал творчестволати хIянчурби дурадулхъули сари «Гьалмагъдеш» журналлизир, нушала газетализирра дирар заман-замана дурадулхъули.

МяхIяммад джузи дигуси адам сай. ИтхIели, нушачил варх узухIелира викIули гьанбиркур: «ГIяхIси жуз лебри, шаладикайчи учIули къябвердес хIейубра». Илгъуна сайхIели, илини гIяхIти джузи исули, ца хъалира байхъала бицIари жузи айкахъиб.

Ишди бурхIназив МяхIям-мадла гIямрула 70 дус аркули сари. Ил анцIбукьличил мубараквирули нушаб дигулра МяхIяммад арали гIурра вахъхIи кали, творчестволашалти сархибдешуни гьатIира имцIадиубли, сунела уркIиличирти мурадлуми гьардизурли.

«Сагаси гьуникад» хIянчизарти.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1