Меню
16+

Сетевое издание «По новому пути»

12.07.2019 15:41 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Лаваша - дила шагьар

Лаваша — дила шагьар

Лаваша — дила шагьар,

Бахъ къугъал берхъиб анхъри,

Шими-ургаб шалал ши,

Шантала уржиб цIакьри.

Шантала анкъи сабри,

Арслантала къуш сабри,

ГIямрула абзаназиб

Гьала кайцIул кьяш сабри.

Нушала шалал анкъи,

АхIерси биштIал ВатIан,

Къиян дакIиб мусначиб

Кьибламари халкь бикан.

Къазакъунала къирра

Чуйналра къарцинбарри,

Чум-чумилра гIяхIгъабза

ВатIайс кьурбанкабарри.

Шимасра махьурбасра

Мургьира сабри, масра,

Даимси къала сабри

ЖихIеиб душмантасра.

ЛавшардикIар аршира

Шимазир Лавашала,

Унхърикадли къяйцIбашар

БерхIила нурла шала.

Тухъти гIямру сархули,

Жанра ахIерхIедирид,

Яшавлизи ахъили,

Капустали берхъири.

АхъбикIуд, къугъабикIуд,

ГьалабяхIли гьуцIбикIуд,

ЛевхIели варх цIумикIул,

ХIечил вархли дуцIикIул.

УрчIемцIали дус марли,

ДеркIири бурямтазир,

ХIяб азир дус буабгу

ТалихIла гIямрулизиб.

Душмантас яхI чIумати,

ГIяхIласра дяхI шалати

Берхъабгу хIушала къуш,

АхIерти лавашанти!

Зубри мургьили ургьаб,

Мер-муса арцли дашаб,

ИкI Аллагьла ряхIмули

ХIушала наслу бургьаб!

Район саб Лавашала

Абзаназиб бургъули,

Шамил бикIул гъабзала

Байрахълауб бузули.

МуцIур ахIен хIянали,

БекIла гъез ахIен цIубли,

Амма районна бекI сай,

Абзаназив гьалав сай.

Гьардизаб хIела дузаб,

ЧяхIдикIаб баркатла заб.

ТалихIличи ваахъес

Аллагьли хIед кьуват габ.

Бетааб мургьи-арцла

Лаваша лябкьул гьуни,

Гьуйчив валикибсилис

Къупрадли дуртIесли хIуни.

УнцIгъунти капустали

Ургьаб абзур дус нушаб,

АнкIила урхьу ааб

Районна гьарилра шай.

Дерхъаб талихIла гIямру

ЧIугIланна варъаван,

Сари мурити,

Чунанна картошкаван,

Сари бизити,

ЦIудхъранна курегаван,

Сари тIягIямла,

Хажакунтла гIинцбиван,

Сари къугъати,

Къуппакунтла кьапIниван,

Сари далгунти.

ГIуррара дерхъаб, дерхъаб,

ТалихIла гIямру дерхъаб!

ГьатIира цIакьли дерхъаб,

Даимти узидеш дерхъаб!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0