Къакъбяхъуни

Къакъбяхъуни

(мубарак)

Лавашала районна ахIерти, дурхъати, хIурматла хьунул адамти, чебяхIси 8-ибил мартла байрамличил хIуша мубаракдирулра, хIушаб арадеш, талихI, разидеш, гьарбизуни, баракат, эркиндеш, лигIматуни, талихIчерти, разити, дигили дицIибти духъянти гIямру дулгулра.

МяхIяммад Тахсурманов, ДР-ла урибси учитель, РФ-ла журналистунала Союзла член.

ХIушаб иш назмура багъишлабирулра.

Мубаракдирулрая

Нушала къакъбяхъуни,

ГIямрула кьибламаби,

ГIякьлубала гIинзурби.

УркIурбала тумази,

Сагати хIи кертIанти,

Чархла азир биркIайзи,

Сагаси цIакь луганти.

УркIби кIантIити муйлас,

ЧIичIа уркIби картIанти,

ЯхI агарти азгъинтас,

Гъуци дяхIчиианти.

Гурдмигъла хIерла дегIти,

Арсланна цIакьла дегIти,

ЧIакниван дахъ азаддти,

Алжанна хIурилгIянти.

ГIяшул лесван чIумати,

Сартан бецIван сакIубти,

Шуйхривана малхIямти,

ЗурхIябла ранганарти.

БерхIила нурван ухути,

Закла бацван шалати,

Зубартиван алкунти,

ГIярш-закван аваданти.

ГIярапа дубураван,

Дагъистайзир дурхъати,

Макка ва Мадинаван,

Дубуртазир машгьурти.

Бархьдешла турми сарра,

Адабдешла – дубурти,

ЯхI, хIяя ва сабурла,

Хабарла хIурхъи сарра.

ХьанцIа закван ухути,

Дурхъал урмиван ахъти,

Урхьула ругертиван,

ГIямрулизир сакIубти.

АтхIебла вавнигъунти,

ГIебшнила цIедешгъунти,

ДуцIрумла бурхIнигъунти,

Мисрила чатIнигъунти.

ГIямрула кьибламари,

Шурмала чIумадешри,

Пикрумала капарайри,

ХIяяла ахъанайри,

ДурхIнала алжанари,

ГIямрула гIяламатри.

Дурхъал Лайлатул – Кьадри,

Адулхъаб-аслу-юртлизи,

ЗурхIябла ранганани,

Варакьдараб юртани.

Шалал дунъя лебцадхIи,

Арали калабая!

СяхIбатуни – мукърачир,

КуртIдикIес калабая!

Баракат имцIабиаб,

ХIушала юртаназиб,

ХIушала дурхIни берхъаб,

АтхIебла вава-кьарван.

Амин.