Меню
16+

Сетевое издание «По новому пути»

18.01.2019 16:19 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 2 от 18.01.2019 г.

22 январь - Энергетикасул къо!

22 январь — Энергетикасул къо!

Районалъул энергетикияб бутIаялъул киналго хIалтIухъабазда ва ветераназда баркула гьезул махщалилаб байрам – Энергетикасул къо! Энергетика кидаго букIана ва жакъаги буго нилъер улкаялъул экономика цебетIеялъул кьучIлъун, регионалияб экономикаялъул кIвар бугел бутIабазул цояблъун. Нужер ракIбацIцIадаб, тIадегIанаб махщелалъул захIматалда бараб буго цоккураб, хинкъи гьечIеб, нормативазда рекъонкколеб, районалъул промышленносталъул, социалияб бутIаялъул объекталда ва халкъ энергоресурсаздалъун хьезариялъул иш.

Республикаялда хIалтIулел руго гIаммаб къуват 1800 МВтялдасаги цIикIкIарал 15 кIудиял гидроэлектростанциял ва 7 гьитIинаб ГЭС, электросетазул гIаммаб халалъи бащалъула, 5,5 азарго хIалтIухъанас хъулухъ гьабулеб, 33,8 азарго километралда. Гьеб бутIаялъул ветераназ кьучI лъурал захIматалъул лъикIал гIадатал жакъа рилълъанхъизарулел руго Дагъистаналъул энергетикаялъул цIияб гIелалъ. Гьез кIвар кьола республикаялъул энергосистемаялъул хIалтIи хIинкъи гьечIеб ва мухIканаб къагIидаялъ гьабиялде. Гьелдаго цадахъ руго, оборудование ва электросетал басралъун рукIиналда, электроэнергиялъухъ жиндир заманалда цо-цояз гIарац кьунгутIиялда хурхарал масъалабиги. Гьез рачуна электроэнергия кьей гьоркьоб къотIизабиялде.

РФялъул Энергетикаялъул министерствоялъги энергетикаялъул чIахIиял компаниязги цадахъ хIалтIи гьабулеб буго энергетикияб бутIа цIигьабиялъул рахъалъ гьарулел хъулухъазул даража лъикIлъизабиялъе. Гьеб ишалъе кумек гьабулеб буго Россиялъул президентасги хIукуматалъги. Киназего гьарула щулияб сахлъи, авариял гьечIого ва гьоркьор къотIичIого энергетикаялъул объектал хIалтIизариялде, халкъалъул гIумру лъикIлъизабиялде руссарал ишал гьариялъе икъбал!

Шамиль Дабишев,

МР «Лаваша район» бетIер

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4