Меню
16+

Сетевое издание «По новому пути»

11.01.2019 17:14 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 51 от 28.12.2018 г.

Баркула ЦIияб сон!

ХIурматиял районцоял! Гьале сверана ХХI гIасруялъул цойги сон, бегана нилъер гIумруялъул цоги тIамач, нилъеца дандчIвай гьабулеб буго ЦIияб 2019 соналда. Бигьаяб букIинчIо 20I8 сон Россиялъулги Дагъистаналъулги. Амма кидаго бигьаял гурел шартIазда гIумру гьабун ругьунал, яхI-намусалъул цIурал, тIаде бачIараб бакIаб къо бихьинчилъиялда хIехьезе кIолел, нилъер районалъул гIадамазда бажарана 2018 соналъул магIишатиялги социалиялги суалал гIумруялде рахъинарун.

Нилъеца, районалъул гIемерисел гIадамаз бацIцIадго ва тIадегIанаб къадруялда цIунун буго исламияб дин ва умумуз нилъехъе кьовухъе кьолеб буго гIун бачIунеб гIелалъухъе. ЦIияб соналда районалъул гIадамал рачIана цIиял хьулалгун ва анищалгун, букIинеселде щулияб рекIелчIейгун.

РакI-ракIалъ баркула нужеда тIаде щвараб ЦIияб – 2019 сон!

Гьарула щивасе сахлъи, рекъел, рес буголъи ва талихI. ТIадегIанав Аллагьас баракат рещтIаги щивасул рукъалда! ТIурайги щивасул рекIелъ ругел лъикIал къасдалгун мурадал, биччанте ЦIияб сон нилъер щивасе букIине рохалилаблъун, ургъел-балагьал рикIкIалъараблъун, ракълилаблъун ва талихIаблъун, тIолалго районалъул гIадамал цоцада ричIчIулеллъун, гьудул-гьалмагълъиялда рукIунеллъун, районалда цере чIарал масъалаби тIураялъе, гIадамазул гIумру-яшав лъикIлъиялъе гIоло киналго районцоял гъункулеблъун ва цолъулеблъун!

ЦIияб сонгун, цIияб талихI-рохелгун хIурматиял районцоял! Баркат-рахIматалъул цIураб батаги тIаде щвараб ЦIияб 20I9 сон киналго районалъул гIадамазе.

Шамиль Дабишев,

МР «Лаваша район» бетIер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1